تنبيه

تــنـبـيـه ... كــل ما يـنـشر بهـذه المـدونـة مـسـجـل من قـبـل حـقـوق الـمـلكـية الفـكـريـة و أي اقـتـبـاس او نـقـل لمحتـوى المدونـة يعرضــك للمسـائلـة القـانـونـيـة

الاثنين، 6 يونيو، 2011

امسك حرامـــــــــــــي

بصوا بقي انا ايدي وجعتني من الكتابة اية ده كل دول ناس سارقة اشعاري هي حلوة للدرجة يعني !!!!
بعمل سيرش في جوجل لاقيت بلاوي و عمالة اعلق بقي و ازعق و اشتكي لما تعبت من امبارح و انا في معانا ياريتني ما عملت سيرش كان زماني مروقة دماغي
هي الناس ماعدش عندها ضمير كدة لية ازاي تنسب لنفسها عمل و مجهود مش ليها و ازاي تشعر بسعادتها و الناس بتعلق على عمل مسروق طيب اية احساسك الداخلى و انتا سارق و بترد على اعجاب الناس بالموضوع اللي انتا سرقته بأنى وش بتر بأنى احساس

يا جماعة اتقوا الله
دي سرقة هو انتا لازم تدب ايدك في جيب حد عشان تبقي سرقته ما انتا سرقت افكاري و مجهودي و عصارة فكرى عشان اطلع كلمة كويسة تعجبك فاتسرقها

حسبي الله و نعم الوكيل

لو حاجة عجبتك و حبيت تنشرها على صفحتك ولا مدونتك و ماله بس اكتب انه منقول اكتب اسم المدونة و اسم صاحب المدونة مش تستهبل و تنسبها لنفسك

لا و واحد حدق محرف شوية في الكلمات يعني انتا كدة مش هاتتقفش اديني قفشتك

اتقوا الله

هاقول اية القافلة تسير و الكلاب تعوى و حسبي الله و نعم الوكيل

تحياتي

هاجر العشري

هناك 4 تعليقات:

قلب مصرى (محمد فاروق) يقول...

أولاً: أنا زعلان من نفسى علشان مش مواظب على القراية ليكى زى الزمان وده معناه إن خسرت كتير.

ثانياً: مبروك على المدونة الجديدة رغم التأخير.

ثالثاً: سرقة مجهود الناجحين مش جديد وحصلت ملايين المرات لكن الجانب المشرق إن اللى بيتسرق هو الموهوب بس، يعنى من غير المجاملات اللى بتملى التعليقات والتحيز اللى جاى من الاصحاب والقرايب كده تتأكدى إنك موهوبة بجد لأن محدش بيسرق أنصاف الموهوبين أو عديمى الموهبة.

مبروك يا هاجر المدونة الجديدة ومبروك إنك إتأكدى إنك موهوبة بجد.

شهد الكلمات يقول...

محمد

من ناحية مقصر مقصر بس لما بشوف تعليقك بنبسط جداااااااااا
انتا فينك يا محمد مابقيتش تظهر خالص لية كدة ؟؟

الله يبارك فيك و يارب تكون عجبتك

اما بخصوص السرقة فاسدت نفسي فعلا اني انشر او اكتب حاجة جديدة ع النت خلاص
انا كاتبة 3 مواضيع للمدونة الجديدة و قصيدة شعر لشهد الكلمات و مع ذلك خايفة انشرهم

رباب طلعت يقول...

حاسة بيكييييييييييي جدا جدا لاني للأسف اتعرضت لنفس الموقف وبجد كنت مخنوقة وقررت بعدها اقفل مدونتي وفين وفين على اما تراجعت .. بجد قمة قلة الادب والتسيب حاجة كده ملهاش مسمى

بس صدقيني مهما نشرت والناس سقفتلها هما بيحيوكي انتي وبيحيوا موهبتك انتي واحساسك انتي .. انتي بس الي عارفة ده اتكتب ليه وامتى وازاي فمتزعليش نفسك وقولي بس حسبي الله ونعم الوكيل

شاب معروف يقول...

جامد